ليش انداري
خــدك شكع برقه خطـف ابصاري
وانت خطفتي الروح ليش انـداري
خذيتي شوقي
صرتي الخلايا البيض جوه أعروقي
بعـــتي شــــريتي الغلا في ســوقــي
وبيدك عزفتي العشق بعود أوتــاري
ودرتـك غلاي ومحنتي ومعشــوقـي
سكنتي الوريد والميم نور أنظـــاري
سكنتي روحي
وكنتي دواي وعلــتي واجـــــروحي
بيك المحبة اتزيــد زايـــــد بــــوحي
أرياح المـــودة عـــاصفة بتيـــــاري
زي ما تقوى النبـــض يقوى موحـي
خشي عــروق القلـــب لا تحتـــاري
سكنتي وريدي
ويا ما أشـــرق في غيبتك تنهيــــدي
أنت الغلاء والنور ضيء قصيـــدي
لا تغيــب عنـي يــوم لا تتــــــواري
نكتــــب ونـــرزم بالمعاني جديــدي
وبالقافــــية نجبـــد عليك الطــــاري
ليك سلامي
ليك المحبـة الــدائمة وغـــــــــرامي
الزاجل أرسلته مكتوب ليك كلامــي
نحلــف يمينــي مرتبــة بأفكـــــاري
وفيه المقاصد كاملة بأحكــــــــــامي
يا بنت لريل يا غزال أصحــــــاري
وليش انداري
محمد سعد
