ياريتني
ياريتني ماصدقت كلامه ولا اطمنتله
ظلمني وظلم قلبي معاه سامحته وبعتله
واخر جواب بعته بدموعي كتبتله
كنت أبكي من ظلمه لحد ما الدمع جفا من عيوني
كان فاكر نفسه يظلمني ويكسرني
ويحطم قلبي ويعذبني
وافضل انسي و اسامح واسامح
ويقسي عليا وأنا اللي اصالح
ناسي إن باهماله ليا وعدم وجودك هيخسرني
اديته كل اللي قدرت عليه
حب وفا وإخلاص واكتر من كده اديله ايه
وكانت أيامي معاه هجر وخصام
ويخسارة العمر اللي عدي وراح
كفايه عذاب كفايه جراح
كان معايا أناني حتي في ودي
أصله اتعود ياخد وما يدي
ياما سامحته واتحمل كتير قلبي
وبعد ما حررت نفسي من قيوده جاي ندمان يبكي
وبكلمتين منه كان مستني مني الرجوع
بعد ماجفت من عنيا الدموع
مقدرتش انسي اللي كان بيني وبينه
ولا الحنان اللي كنت بشوفه في عينه
خواطر
اشرف الدغيدي
