القهر والذل الوظيفي اعتذار نور
عاشور لمديره الطاغي بالإنتحار قهرا
......
إعتذار
مطلوب أقدم اعتذار
والأمر ليك والإختيار
إن كنت تقبل أترســــــــم
فوق الجدار
واطلع علي فرش السمــــا
والغي النهار
واكفر بآية شمسنا
والحق واكتب إعتذار
واشهد بأنك ع الملأ
قادر علــي قهر الصغار
مظلوم ووشي بيبتسم
وبينحني م الإضطرار
والحلق بيدلدق عسل
وبيبلع الــــريق المرار
ياللي انت فاكر مركزك ... هو المدار
وبأني ح ادخل دايرتك ... وابدأ مسار
وبأن آية قدرتك أبدي انكسار
وبأن في كلمة أسف رد اعتبــــار
قدام رياحك يا قوي ذرة غبار
إضغط عليها بسلطتك حتي تثار
صوب عليها بقدرتك سيف انشطار
جايز تلاقي حضرتك بعد انفجار
ذرات رمادي ع المدي
مجبورة ترسم اعتذار
ويرد صوتي في الصدي
مبروك عليك الإنتصار
ساعتها ح تلاقي الردي
والرب فوق الإقتدار
.....
أحمد عبد الحميد
شاعر السويس . مصر
