فى انتظارك
حبيتك عمرى وأيامه
والقلب اهو عايش فى هيامه
وازاى ينساك وانت غرامه
ح استنى لقاك طول الايام
واحلم بالقرب وتعذيبى
وازاى ترجع تطفى لهيبى
دا بعدك نار تكوى حبيبى
ح استنى لقاك طول الايام
دى الدنيا من غيرك مره
ولا حاسس فرحة بالمرة
حبك فرحة وانت مسرة
ح استنى لقاك طول الايام
أنا مستنى يوم ماتجينى
نار بعدك لسه بتكوينى
ارجع لى قوام رد حنينى
ح استنى لقاك طول الايام
فاكرك ياحبيبى فى لقانا
والدنيا بتفرح بهوانا
وطيور بتغنى لغنانا
ح افضل مستنى مدى الأيام
جمال على الشرقاوى
شاعر العامية
