يوم الشهيد
*******
نام ياشهيد وارتاح
يارمز كل كفاح
دمك ذكى وطاهر شريف
فى الجنة نلت الارتياح
ياام الشهيد ابنك بطل
صان ارضه بالروح والسلاح
يوم الشهيد دا يوم مجيد
رمز الامل رمز النجاح
الله اكبر يابطل
وحى حى على الفلاح
نام ياشهيد وارتاح
هو الشهيد ميت دا عايش
جوه حبة رمل سينا
روى ارضها صان عرضها
نبتت ولاد حرة وأمينة
تسمع صدى صوته
من فوق فروع شجرة حزينة
ولسه صورته منوره
فى كل بيت مصرى ورزينة
والشهداء دول انواع
ولكل نوع قصة وحزينة
فيه اللى ساب زوجته
وراح يحمى البلاد
وفيه اللى كان خاطب
وفرحته بين الأعياد
واللى ساب ارضه
وصغار لسه الولاد
واللى امه ماسكة فاسها
ف ارضها وعمادها رب العباد
عشان بلدنا الطيبة
ارواح كتير كانت ابية
ياأم الولاد السمر
والايد العفية
يامصر ياام الرجال
تهون عشانك الروح الذكية
وانت ياام الشهيد
ابنك ف جنة ربنا ف عيشة هنية
احياء فى جنة ربهم
والارض تشهد بالعطية
وهبوا حياتهم دمهم
عشان تعيش الناس غنية
ورمل سينا حنة
فى ايدين بناتها المستحية
وارض سينا جنة
ثمنها شهداءنا العفية
نام ياشهيد وارتاح
دا عمر دمك ماهو ميه
يارمز كل نجاح
فى القلب عايش بدل السنة مية
نام ياشهيد وارتاح
يارمز الفداء والتضحية
*******
جمال على الشرقاوى
شاعر العامية
مليج منوفية
