▪الختيارة: يخرب بيتك ولا مرة قلتلي بحبِّك
▪الختيار : ولا مرة .......
بس بتتذكري لما حرقتي إيدك شو قلتلك....
قلتلِّك : يا ريت إيدي ولا إيدك هادا مو حب ؟
و بتتذكري مرة لما قلي الدكتور إنو نظرك ضعيف شو قلتلو
قلتلو : هي عيوني معي و انتي جنبي هاد مو حب ؟
وبتتذكري لما رحنا ع المشفى و قلي الدكتور مرتك تعبانة
حملتِك ع ضهري من باب المشفى لباب البيت هاد مو حب.... ؟
▪الختيارة : مبلا حُب حُب....أنا بعرف إنك بتحبني
بس هيك بحب أسمعك عم تعيد هالقصص
▪الختيار : و أنا بعرف إنك بتعرفي مشان هيك بضل عيدهم
▪الختيارة : طيّب قلّي بحبِّك....
▪الختيار : هاتي ايدك مشان ما توقعي يا حبيبتي 😊
